Սնման հետ կապված
հաճախակի հանդիպող
խնդիրներից են
նյարդային լարվածության
հետ կապված
շատակերությունը, վատ
սնվելու սովորույթը
և սննդային
քմահաճույքները: Դրանից
բացի, կան
երկու՝ հոգեկանի
հետ կապված
սնման խանգարումներ՝ անորեքսիա և բուլիմիա, սրանք
տարածված են
դեռահաս աղջիկների
և երիտասարդ
կանանց մոտ
և հաճախ
ժառանգական բնույթ
են կրում:
Այս երկու
խանգարումները հանդիպում
են նաև տղաների
մոտ, բայց
շատ ավելի
հազվադեպ:
Ծնողները հաճախ են
հարցնում, թե
ինչպես է
կարելի ճանաչել
բուլիմիաի և
անորեքսիայի նշանները:
Դժբախտաբար, դեռահասներից
շատերին հաջողվում
է ամիսներ
և նույնիսկ
տարիներ շարունակ
ընտանիքից թաքցնել
այս լուրջ,
երբեմն մահացու
խանգարումները:Անորեքսիայով տառապող դեռահասին բնորոշ է կատարելությանը ձգտելը, նա դպրոցում լավ արդյունքների է հասնում: Միևնույն ժամանակ, նա ինքն իրեն ցածր է գնահատում և անտրամաբանական կերպով իրեն գեր է համարում, որքան էլ որ նիհարում է: Իր կյանքը տնօրինելու սաստիկ պահանջ զգալով, անորեքսիայով տառապող դեռահասը զգում է, որ վերահսկում է իր կյանքը միայն այն ժամանակ, երբ ասում է <<ոչ>> իր մարմնի նորմալ սննդային պահանջներին: Սա հաճախ լուրջ վնաս է հասցնում դեռահասի օրգանիզմին և կարող է երբեմն մահվան պատճառ դառնալ:
Բուլիմիայի նշանները սովորաբար տարբերակվում են անորեքսիայի նշաններից: Բուլիմիայով տառապող հիվանդները ագահաբար ուտում են բարձր կալորիականությամբ սննդի ահռելի քանակություն և ապա ազատվում են այդ կալորիաներից՝ արհեստականորեն առաջացնելով փսխում և օգտագործելով լուծողականներ: Շատակերության շրջանին կարող է հաջորդել խիստ դիետան, ինչը բերում է քաշի վտանգավոր տատանումների։
Նյարդայն անորեքսիայից տառապում են Միացյալ Նահանգների դեռահաս աղջիկների և երիտասարդ կանանց 1 կամ ավելի պակաս տոկոսը: Բուլիմիայով տառապում են դեռահաս աղջիկների և երիտասարդ կանանց 1-ից 3 տոկոսը: Առավել տարածված են շատակերության խանգարումները, որոնք, ըստ վերջին գնահատականների, հանդիպում են իգական սեռի բնակչության 3.5 տոկոսի մոտ: Տղամարդկանց մոտ շատ ավելի քիչ են հանդիպում։ Չնայած ժամանակի ընթացքում անորեքսիայի տարածվածության մակարդակը համեմատաբար կայուն է, բուլիմիայի դեպքերն անցած 30-40 տարիներին զգալիորեն աճել են: Քանի որ նիհար լինելու ճնշումն առավել լայն տարածում է ստացել։
Комментариев нет:
Отправить комментарий