Ողջույն: Երկար մտածեցի, թե
ինչի մասին պիտի լինի նյութս, բայց
հեշտությամբ ընտրեցի ինձ հարազատ թեմա <<Ձախլիկներ, ձախլինկերի առանձնահատկությունները>>: Ես փոքրուց օգտագործել եմ
ձախ ձեռքս, չնայած-որ այդ փաստին
ծնողներս դժվար են հարմարվել: Ասում են, որ փոքր ժամանակ ինչ-որ բան
վերցնելուց միշտ ասում էինք
աջով վերցրու, փորձում էի աջով բռնել,
բայց ռեֆլեքսորեն որոշ ժամանակ
հետո` փոխում էի ձախին: Ու
մինչև հիմա ձախով եմ գրում: Մի կողմից
առավելություն է, հպարտանալու տեղիք
է տալիս, քանի որ ասում են
ձախլիկները տարբերվող են, միշտ այլ աշխարհայացք
են ունենում և իրերը այլ տեսանկյունից
են դիտարկում: Սակայն այն նաև ունի իր թերությունները:
Դժվար է ապրել մի աշխարհում, որը ստեղծված է
աջլիկների պահանջներով և աջլիկներին
հարմար: Ու առաջին
դժվարությանը հանդիպել եմ առաջին դասարանում,
երբ ոչ մի ձև չէի կարողանում գրել, առանց
կողքիս նստողի ձեռքին
հարվածելու: Բայց ինչևէ, սովորեցի:
Մարդկանց մոտ միշտ
զարմանք ու ժպիտ է առաջանում, երբ տեսնում են գրիչը ձախ ձեռքով եմ բռնում կամ դանակը
ձախով վերցնում: Ու միշտ հարցնում են. <<Ո՞նց ես ձախով գրում,
դժվար չի>>: Շատ անգամ եմ փորձել
աջով գրել, բայց միշտ ծիծաղելի պատկեր է ստացվում:
Ինչքան էլ փորձես հարմարվել, բայց շատ բաներ կան, որոնք միայն աջլիկների համար են: Օրինակ` համակարգչի մկնիկը: Ամեն անգամ համակարգչի դիմաց նստելուց
մկնիկը տեղափոխում էի ձախ կողմ:
Բայց ուրիշի համակարգչից
օգտվելուց չես կարող անընդհատ
քեզ հարմարեցնել, դրա համար մի կերպ
հարմարվեցի աջով օգտվելուն, ու հիմա էլ դժվարություն
չի ներկայացնում:
Ասելիքս շատ է... Ուզում եմ բացահայտել մարդկանց համար ոչ այնքան ծանոթ, իսկ գուցե և անհայտ մի աշխարհ` Ձախլիկների աշխարհը, որին կսկսեմ ծանոթացնել ձեզ մեր աումբի բլոգում:
Ասելիքս շատ է... Ուզում եմ բացահայտել մարդկանց համար ոչ այնքան ծանոթ, իսկ գուցե և անհայտ մի աշխարհ` Ձախլիկների աշխարհը, որին կսկսեմ ծանոթացնել ձեզ մեր աումբի բլոգում:
Комментариев нет:
Отправить комментарий